Տպել
- Ամրացնում է ձեր իմունային համակարգը
Կիտրոնի մեջ կա վիտամին C եւ կալիում: Վիտամին C-ն օգնում է ձեր օրգանիզմին հակազդել մրսածությանը, իսկ կալիումը խթանում է ուղեղի աշխատանքը, կարգավորում է նյարդային համակարգը եւ արյան ճնշումը։
- Կարգավորում է թթվահիմնային բալանսը
Հավատաք թե ոչ` կիտրոնը անհավատալի հիմնային միրգ է: Կիտրոնն իրենով թթվային է, բայց մեր օրգանիզմում վերածվում է հիմնայինի (այն օրգանիզմում չի բարձրացնում թթվայնությունը): Առողջ կենսակերպ վարող մարդիկ գիտեն, որ մարմնի թթվահիմնային ճիշտ բալանսը ամուր առողջության բանալին է:
- Օգնում է նիհարել
Կիտրոնը հարուստ է պեկտինայի թելիկներով, որոնք նվազեցնում են քաղցի զգացումը: Բացի այդ հետազոտությունները հաստատում են՝ մարդիկ, որոնք հետեւում են հիմնային դիետայի, ավելի արագ են ազատվում ավելորդ քաշից: Եւ բացի այս` իմ փորձը հուշում է, որ եթե ես օրս սկսում եմ ճիշտ, այդպես էլ անցկացնում եմ այն:
- Նպաստում է մարսողությանը
Տաք ջուրը նպաստում է աղեստամոքսային տրակտի աշխատանքին, հատկապես ստամոքսի եւ աղիների մկանային կծկումներին, որոնց միջոցով տեղափոխվում է սնունդը եւ դուրս է բերվում արտաթորանքը: Ընդ որում կիտրոնը եւ լայմը հարուստ են վիտամիններով եւ հանքային աղերով, որոնք օգնում են նվազեցնել տոքսինների քանակը մարսողական համակարգում:
- Փափուկ, բնական միզամուղ է
Կիտրոնի հյութն օգնում է հեռացնել օրգանիզմից անպետք նյութերը, քանի որ այն նպաստում է մեզի առատ արտադրությանը մեր օրգանիզմում: Դե իսկ այն, որ դուք ավելի արագ եք ազատվում տոքսիններից, օգնում է պահպանել ընդահանուր, մասնավորապես արտազատական համակարգի առողջությունը:
- Նպաստում է մաշկի առողջությանը
Վիտամին C-ն օգնում է մեր օրգանիզմին հարթել կնճիռները եւ ազատվել պիգմենտացիայից: Բացի այդ, տաք ջրով կիտրոնը մաքրում է արյունը տոքսիններից, որն էլ իր հերթին նպաստում է մաշկի առողջությանը:
