Տպել
Սուրճը, ի տարբերություն տարածված կարծիքի, իրականում մարդուն լրացուցիչ էներգիայով չի ապահովում, ինչպես պնդում է դիետոլոգ Փուջա Մախիջան (Հնդկաստան):
Մասնագետն Instagram-ի իր էջում պատմել է, որ սուրճը միայն «պարտքով է վերցնում» էներգիան. այսինքն՝ կոֆեինը, ինչպես եւ ցանկացած խթանիչը, պարզապես ծախսում է օրգանիզմի ռեսուրսները:
Մախիջիի խոսքով՝ դա տեղի է ունենում, քանի որ կոֆեինն ունի ադենոզինին նման կառուցվածք, որը կուտակվում է օրգանիզմում օրվա ընթացքում եւ առաջացնում քնկոտության զգացողություն: Երբ մարդը սուրճ է ըմպում, ուղեղում ադենոզինի ռեցեպտորները «խցանվում են» կոֆեինով, եւ դա առույգության ժամանակավոր պատրանք է հաղորդում: Ընդ որում՝ ուղեղը պահանջում է ադենոզին, եւ այն սկսում է ստեղծել նոր ռեցեպտորներ, որոնք օրվա ընթացքում կուտակվում են ադենոզինով կամ կոֆեինով, եթե մարդը մեծ քանակությամբ սուրճ է օգտագործում:
Մախիջայի խոսքով՝ հենց այդ պատճառով մարդկանց մի մասը տառապում է անքնությամբ, եթե սուրճ է օգտագործում ցերեկվա ընթացքում, իսկ մյուս մասը կարողանում է հանգիստ քնել մեկ բաժակ ըմպելիքից հետո. ամեն ինչ կախված է նրանից, թե որ նյութն է հայտնվել ռեցեպտորների մեջ:
Օրվա ընթացքում էներգիայի առողջ լիցքեր ստանալու համար դիետոլոգը խորհուրդ է տալիս սուրճ խմելու փոխարեն թեթեւ սնվել:
