Տպել
Ջուրն օգնում է վերահսկել քաշը, քանի որ հագեցվածության զգացողություն ունենալ: Այն օրգանիզմից հեռացնում է տոքսինները, անհրաժեշտ է երիկամների եւ նույնիսկ ուղեղի ճիշտ աշխատանքի համար։ Ենթադրվում է, որ մարդն օրական պետք է 30 մլ հեղուկ օգտագործի մեկ կիլոգրամ նորմալ քաշի համար: Բժիշկներն ու սննդաբանները խոստովանում են, որ խմած հեղուկի ամբողջ քանակությունը չպետք է միայն մաքուր ջուր լինի, 50 տոկոսը բավարար է: Փոխարինող կարող են լինել ապուրները, սուրճը եւ թեյը (առանց շաքարի), այդ թվում՝ կանաչ թեյը, եւ նույնիսկ որոշ մթերքներ, գրում է «Դոկտոր Փիթեր»-ը:
Վարունգ
Այս բանջարեղենը մոտ 95 տոկոս ջուր է պարունակում։ Բացի այդ, վարունգը հարուստ է կալիումով, որը կարող է օգնել կանխել կաթվածը, եւ ֆլավոնոիդ ֆիսետին է պարունակում ուղեղի առողջության համար:
Դդմիկ
95 տոկոս ջրի պարունակությամբ այս բանջարեղենը բարձր տեղ է զբաղեցնում հեղուկով հարուստ մթերքների ցանկում: Սեզոնին դդմիկը դիվերսիֆիկացնում է ձեր սննդակարգը եւ կարող է նույնիսկ օգտակար կողմնակի ճաշատեսակ լինել, օրինակ՝ դդմիկից լապշան հիանալի ընթրիք է սովորական սպագետիի փոխարեն:
Ձմերուկ
Ձմերուկը 92 տոկոսով լցված է ջրով եւ ուստի հիանալի կերպով փոխհատուցում է հեղուկի պակասը։ Ձմերուկը նաեւ սնուցիչներ, հակաօքսիդանտներ, լիկոպեն, A, B6 եւ C վիտամիններ է պարունակում: Ձմերուկը կարող է սառեցնող ըմպելիքի հիմք կամ «առոմատիզատոր» դառնալ ջրի համար, եթե մաքուր վիճակում այն արդեն հոգնել եք խմել: Ընդ որում, մասնագետները հիշեցնում են, որ չափից շատ ձմերուկը շատը վնասակար է նաեւ դրանում սախարոզայի պարունակության պատճառով։
Նեխուրի ցողուն
Այն 95 տոկոսով ջրից է բաղկացած։ Իլինոյսի համալսարանի հետազոտությունը ցույց է տվել, որ նեխուրի մեջ պարունակվող ֆլավոնոիդ լյուտեոլինը կարող է կանգնեցնել քաղցկեղի բջիջների աճը, հատկապես՝ ենթաստամոքսային գեղձի:
