Տպել
Էնդոկրինոլոգ, բժշկական գիտությունների թեկնածու Մարինա Սվիրիդոնովան «Մոսկվա 24»-ին պատմել է, որ մազաթափությունը երբեմն սկսվում է հորմոնալ խանգարումների հետեւանքով։
Մասնագետի խոսքով՝ պատճառը կարող է լինել հիպոթիրեոզը՝ վահանաձեւ գեղձի հորմոնների նվազումը կամ արական սեռական հորմոնների ավելցուկը:
«Հակառակ տարածված կարծիքի, հորմոնալ անհավասարակշռության պատճառով մազաթափությունը շատ տարածված չէ: Սակայն, եթե մազաթափության պատճառը դա է, ապա կարեւոր է հնարավորինս շուտ հասկանալ եւ սկսել բուժումը»,- նշել է էնդոկրինոլոգը՝ հավելելով, որ օրական մի քանի մազի թափվելու պատճառով մասնագետի դիմելու կարիք չկա: Օրական 50-ից 180 մազի կորուստը համարվում է նորմալ:
Մասնագետը նշել է, որ բժշկի պետք է դիմել այն դեպքում, երբ մազաթափությունը հանկարծակի մեծանա, առաջանան ճաղատ բծեր կամ օջախներ: Այս դեպքում պետք է դիմել մաշկաբանի կամ տրիկոլոգի, որոնք, ըստ անհրաժեշտության, այցելուին կուղարկեն էնդոկրինոլոգի մոտ:
Արական սեռական հորմոնների ավել արտադրությունը կարող է զարգանալ վերերիկամային գեղձերում դրանց սինթեզի բնածին խանգարումների, պոլիկիստոզային ձվարանների համախտանիշի կամ մակերիկամների ուռուցքների պատճառով։ Նրանք բուժվում են նեղ մասնագետների կողմից՝ էնդոկրինոլոգներ, գինեկոլոգներ եւ վիրաբույժներ։ Ամենից հաճախ մազաթափությունը արական սեռական հորմոնների ազդեցությամբ տեղի է ունենում արյան մեջ անդրոգենների մակարդակի որեւէ աննորմալության բացակայության դեպքում: Պատճառը գենետիկորեն ծրագրավորված՝ գլխի մաշկի ընկալիչների՝ հորմոնների նորմալ մակարդակի նկատմամբ զգայունության բարձրացման մեջ է, նշել է մասնագետը։
