Տպել
Steptohealth.ru կայքը գրում է, որ հում կարտոֆիլը հաջողությամբ կարող է օգտագործվել մաշկի խնամքի համար։
Օգնում է ազատվել աչքերի տակի պարկերից
Մեծ քանակով հակաօքսիդանտներ և վիտամին C պարունակող մթերքը դրական ազդեցություն է ունենում արյան շրջանառության վրա։ Հատկապես արդյունավետ է հում կարտոֆիլը։
Դեմքից հեռացնում է պիգմենտային հետքերը
Սրանք առավել հաճախ հանդիպում են մեծահասակների շրջանում։ Կորտոֆիլի օգտագործման դեպքում կարող եք նվազեցնել դրանց քանակը։
Կանխարգելում է մաշկի վաղաժամ ծերացումը
Արևի ճառագայթների ազդեցության, մաշկի չորության և ոչ բավարար խոնավեցման դեպքում մաշկը սկսում է արագ ծերանալ։ Սա կանխարգելելու նպատակով կարող եք կարտոֆիլի փոքր կտորով մերսում անել։
Պայքարում է ակնեի դեմ
Հում կարտոֆիլը վիտամին C, կալիում, պղինձ է պարունակում։ Այս բոլոր նյութերը նպաստում են մաշկի մաքրմանը և օգնում են ազատվել տոքսիններից։ Դա օգնում է ակնեի բուժման դեպքում։
Հանգստացնում է մաշկը
Վատ քնելու, սթրեսի, հոգնածության, ամենօրյա հոգսերի պատճառով մաշկը կորցնում է թարմությունը։ Այս խնդրից խուսափելու համար խորհուրդ է տրվում ավելի շատ ջուր օգտագործել, լավ հանգստանալ, միզամուղ հատկություն ունեցող մթերք օգտագործել, ինչպես նաև մաշկը խնամելու համար պարբերաբար հում կարտոֆիլ օգտագործել։ Հարկավոր է կարտոֆիլը քերիչով մանրացնել, ավելացնել մեկ ճաշի գդալ կիտրոնի հյութ։ Այս միջոցը հարկավոր է օգտագործել քնելուց առաջ։ Քսեք այն դեմքին, սպասեք 15-20 րոպե։ Լվացեք դեմքը տաք ջրով։
Նյութը հրապարակման պատրաստեց 168.am-ը
