Տպել
Տարբեր մուտացիաներ առաջանում են օրգանիզմի վրա որոշակի մուտագենի ազդեցության ժամանակ: Ձեզ ենք ներկայացնում ամենաապշեցուցիչ մուտացիաները, որոնք հանդիպում են մարդկանց մոտ:
Ծանր կոմբինացված իմունոդեֆիցիտ
Երեխաները ծնվում են` չունենալով իմունային համակարգ: Աննշան ինֆեկցիա, փոքրագույն գրգռիչ, յուրաքանչյուր հիվանդություն հանգեցնում է մահվան, քանի որ օրգանիզմն ուղղակի ընդունակ չէ պայքարելու: Դժբախտաբար, այս մուտացիան անբուժելի է, և այսպիսի երեխաները դատապարտված են ապրելու փորձանոթում:
Մարֆանի համախտանիշ
Այս մուտացիան հազվադեպ հանդիպող չէ: Մարֆանի համախտանիշը դրսևորվում է մարմնի միացնող հյուսվածքների զարգացման խախտման մեջ: Այս մուտացիայով մարդկանց մոտ ոսկորներն անհամաչափ են զարգանում, հաճախ հանդիպում է կարճատեսություն և ողնաշարի ուժեղ շեղում:
Պրոգերիա
Շատ հազվադեպ հանդիպող մուտացիա: Պետք է նշել, որ պրոգերիայով հիվանդանում են միայն երեխաները: Այս մուտացիայով տառապողները շատ հազվադեպ ապրում են մինչև 13 տարեկանը: Որպես կանոն, մահվան պատճառ է լինում սրտային անբավարարությունը: Այս հազվագյուտ հիվանդության հիմնական ախտանիշներն են` մազածածկույթից զուրկ կոշտ մաշկը և վառ արտահայտված ոսկրային դեֆորմացիաները:
Էկտրոդակտիլիա
Այս մուտացիայի հատկանիշը վատ զարգացած վերջույթներն են: Որպես կանոն, էկտրոդակտիլիայով տառապող մարդկանց մոտ մատները կամ շատ են, կամ քիչ:
Յուներ Տանի համախտանիշ
Այս մուտացիան դրսևորվում է անսովոր ախտանիշով. Յուներ Տանով տառապող հիվանդները շարժվում են չորեքթաթ: Նրանք չեն կարողանում նաև նորմալ խոսել:
Պատրաստեց Անի Գաբուզյանը
