Տպել
Մեծ Բրիտանիայում Medical Research Council (MRC) Harwel-ի մասնագետները, լաբորատորիաներում մկների վրա փորձարկումների ընթացքում պարզել են, որ Slc4a10 անունով գենն իր մուտացիայի դեպքում էական դեր է խաղում լսողության տարիքային կորստի մեջ: Գիտությանը լավ հայտնի է, որ ծերանալուն զուգընթաց մարդու մոտ մեծանում է բազմաթիվ խանգարումների զարգացման ռիսկը, ներառյալ` սրտանոթային հիվանդությունները, դիաբետը, լսողության կորուստը և ձեռքբերովի թուլամտությունը: Ավելի վաղ հայտնի էր, որ այդ գենն ազդում է նաև տեսողության վրա: Մոտ ապագայում գիտնականները կհետազոտեն մարդու առողջության մեջ Slc4a10-ի դերը և եթե մկների մասնակցությամբ փորձարկումների արդյունքները հաստատվեն, գենետիկական վերլուծությունը թույլ կտա հայտնաբերել այն հիվանդներին, որոնք լսողության խանգարման հետ կապված ռիսկի խմբում են:
Այդ խանգարումներն էականորեն նվազեցնում են մարդու կյանքի որակը` նրան ստիպելով օգտվել տարբեր լսողական սարքերից կամ էլ ուղղակի տառապել շրջակա աշխարհը սովորականի պես ընկալելու անհնարինությունից: Հետազոտության աշխատանքները հրապարակվել են Nature Communications ամսագրի կողմից:
