Կոնկրետ որոշակի պրոֆիլակտիկ հետազոտություններ կան, որոնք թույլ են տալիս վաղ ախտորոշել հիվանդությունները կամ նախա – վիճակները հայտնաբերել

Վարդանուշ Պետրոսյանի ֆեյսբուքյան էջից.

«Ոտքից՝ գլուխ ուզում եմ ստուգվել, բժշկուհի ջան, անալիզներ կգրե՞ք, գնամ հանձնեմ» ,- հաճախ եմ լսում։

-Գանգատ ունե՞ք, – հարցնում եմ։

– Ոչ մի գանգատ, ուղղակի հարևանս անսպասելի ինֆարկտ ստացավ, ասեցի ես էլ գամ ստուգվեմ․․․ , – շատ հետարքիր մի պատասխան կամ նման ուրիշը, բայց #ՈչՄիԳանգատ։

Ես այս դեպքում գրում եմ տվյալ մարդու տարիքով, սեռով ու ռիսկի գործոններով պայմանավորված հետազոտությունների ցանկ, որը հաճախ մարդկանց դուր չի գալիս, որովետև կարճ է , ու իրենք, ինձնից դժգոհ գնում – վերջը գտնում եմն #ԻրենցԵրազանքիՄՌՏախառըՀարյուրՀազարնանց անալիզների ցուցակը ․․․

Ցավոք, առողջությունը հետազոտելու այս ձևն է հիմա տարածված Հայաստանում ՝ կամ՝ գործը հասցնել ոսկորին, արդեն գանգատներով դիմել բժշկի, կամ ՝ մի օր գնալ ու #ԱշխարհիԲոլորԱնալիզները միանգամից տալ, այնինչ՝ կոնկրետ որոշակի պրոֆիլակտիկ հետազոտություններ կան, որոնք թույլ են տալիս վաղ ախտորոշել հիվանդությունները կամ նախա – վիճակները հայտնաբերել։

Հիմա ուզում եմ ընդհանուր մի քանիսով Ձեզ հետ կիսվել․

Տղամարդիկ և կանայք սովորաբար հետազոտվում են հետևյալի համար.

բարձր արյան ճնշում,

ավելորդ քաշ ու ճարպակալում՝ հիմնված Ձեր մարմնի զանգվածի ինդեքսի վրա,

ծխախոտի օգտագործումը,

ալկոհոլի և թմրամիջոցների չարաշահում,

դեպրեսիա,

ՄԻԱՎ-ի սկրինինգ 15-ից 65 տարեկան մեծահասակների և բարձր ռիսկային խմբի համար,

հեպատիտ C 1945-ից 1965 թվականներին ծնված բոլորի համար,

2-րդ տիպի շաքարախտ բոլորի համար, ովքեր ունեն ռիսկի գործոններ կամ ընտանեկան պատմություն,

կոլոռեկտալ քաղցկեղ՝ սկսած 50 տարեկանից,

թոքերի քաղցկեղ՝ տարեկան, CT սկանավորմամբ 55-ից 80 տարեկան մեծահասակների համար, ովքեր ներկայումս ծխում են կամ ծխել են վերջին 15 տարվա ընթացքում։

Վիտ Դ -ի պակաս

Կանանց համար լրացուցիչ սքրինինգային թեստերը ներառում են.

մամոգրաֆիա՝ կրծքագեղձի քաղցկեղի սկրինինգի համար, 50-ից 74 տարեկան,

PAP թեստ՝ արգանդի վզիկի քաղցկեղի սկրինինգի համար, 21-ից 65 տարեկան,

բարձր խոլեստերինի սկրինինգ՝ սկսած 45 տարեկանից,

օստեոպորոզի սքրինինգ՝ սկսած 65 տարեկանից։

Fe պակասուրդային վիճակ։

Տղամարդիկ

Տղամարդկանց համար լրացուցիչ սքրինինգային թեստերը ներառում են.

որովայնային աորտայի անևրիզմայի սքրինինգ՝ 65-ից 75 տարեկան ծխելու պատմություն ունեցողմարդկանց մոտ,

շագանակագեղձի հետազոտությունը սովորաբար խորհուրդ չի տրվում, բայց Դուք և Ձեր բժիշկը կարող եք որոշել, որ այն պետք է անցնեք 50 տարեկանից սկսած:

բարձր խոլեստերինի սկրինինգ՝ սկսած 35 տարեկանից։

Այս սենց բաներ, ու այո, հիսուն տարեկանից հետո ամեն տարի են արվում սկրինինգային հետազոտությունները։ Մինչ դա՝ երեք տարին մեկ։

Սիրով,

Վ․