Տպել
Իտալական տեխնոլոգիական ինստիտուտի գիտնականները վերալիցքավորվող մարտկոց են ստեղծել ուտելի բաղադրիչներից, որոնք առանց որևէ հետքի մարսվում են մարդու ստամոքսում:
Ինչո՞ւ է անհրաժեշտ այդպիսի մարտկոց և որտե՞ղ կարելի է օգտագործել այն։
Մարտկոցը, որի նախատիպը նկարագրված է Advanced Materials-ում, աշխատում է մարդու համար անվտանգ լարման տակ՝ 0,65 Վ և ապահովում է 48 միկրոամպեր հզորությամբ էլեկտրաէներգիա՝ 12 րոպե տևողությամբ: Այս ընթացքում հնարավոր է, օրինակ, աղեստամոքսային տրակտի ախտորոշում իրականացնել, որից հետո մարտկոցը բնական ճանապարհով կմարսվի։ Հետևաբար, նման մարտկոցը ապագայում կարող է օգտագործվել ներքին ախտորոշման սարքերում:
Փորձագետների կարծիքով՝ նման մարտկոցները հնարավոր կլինի տեղադրել նաև խաղալիքներում և նույնիսկ արտադրանքի թարմությունը վերահսկող սենսորներում արտադրանքի երկարատև պահման ընթացքում։
«Ապագա պոտենցիալ կիրառությունները տատանվում են ուտելի սխեմաների և սենսորներից, որոնք կարող են վերահսկել առողջությունը, մինչև սննդի պահպանման պայմանները վերահսկող սենսորների սնուցում»,- ասել է Իտալական տեխնոլոգիական ինստիտուտի մոլեկուլային էլեկտրոնիկայի հետազոտող, հետազոտության առաջատար հեղինակ Մարիո Կայրոնին: «Ավելին, հաշվի առնելով այս մարտկոցների անվտանգության մակարդակը, դրանք կարող են օգտագործվել մանկական խաղալիքներում, որտեղ առկա է դրանք կուլ տալու մեծ վտանգ»:
Մարտկոցի բացասական էլեկտրոդը կամ անոդը պատրաստվում է ռիբոֆլավինի (վիտամին B2) օգտագործմամբ, մինչդեռ գիտնականները կատոդ պատրաստելու համար օգտագործել են մեկ այլ վիտամին՝ կվերցետին: Մարտկոցի էլեկտրոլիտը ջրային հիմքի վրա է, իսկ տարանջատիչը նորի ջրիմուռ է, որը լայնորեն օգտագործվում է արևելյան խոհանոցում:
Էլեկտրական հաղորդունակությունը բարելավելու համար մարտկոցի բաղադրության մեջ ավելացվել է նաև ակտիվացված ածխածին: Իսկ էլեկտրոնիկային հոսանք փոխանցելու արտաքին կոնտակտները պատրաստված են մեղրամոմից՝ սննդային հարգի ոսկով։
Մարտկոցի նախատիպի մակերեսը մոտ 1 ք/սմ է, բայց մշակողներն այժմ աշխատում են դրա կրճատման և այլ բարելավումների վրա, ներառյալ հզորության մեծացումը, ինչը շատ կարևոր է, հատկապես հաշվի առնելով, որ նման մարտկոցը, ցավոք, անհնար է լիցքավորել մարմնի ներսում:
