Տպել
Microsoft տեխնոլոգիական ընկերության համահիմնադիր Բիլ Գեյթսն ստեղծված ավանդության համաձայն պատմել է, թե անցած տարում ինչ է ամենաշատը կարդացել և ինչ գրքերի վրա արժե ուշադրություն դարձնել։
Ձեռնարկատիրոջ կարծիքով՝ արհեստական բանականության մասին լավագույն գիրքը Մուստաֆա Սուլեյմանի «Գալիք ալիք»-ն (The Coming Wave) է՝ ժամանակակից աշխարհի վրա նոր տեխնոլոգիաների ազդեցության մասին, գրում է Naked Science-ը։
Գեյթսը բարձր է գնահատել Գրեդի Հիլհոուի «Մաքուր ճարտարագիտություն» (Engineering in Plain Sight) աշխատությունը, որն ընթերցողի աչքի առաջ բացահայտում է ժամանակակից ենթակառուցվածքի առեղծվածներն ու աշխատանքային սկզբունքները՝ բջջային աշտարակներից մինչև մալուխային արկղեր:
Գեյթսը միաժամանակ խորհուրդ է տվել կարդալ մարզիկ Ռոջեր Ֆեդերերի կենսագրությունը՝ Դորիս Հենկելի «Ֆեդերեր» (Federer) գիրք, ինչպես նաև Ամերիկայի Միացյալ Նահագների նախագահներ Քենեդու և Ջոնսոնի խորհրդական Ռիչարդ Գուդվինի կյանքի պատմությունը՝ Դորիս Քիրնս Գուդվինի «Անավարտ սիրո պատմությունը» (An Unfinished Love Story) գիրքը:
Գեյթսը խորհուրդ է տվել, որ բոլոր նրանք, ովքեր աշխատում են երեխաների և դեռահասների հետ, կարդան Ջոնաթան Հայդտի «Անհանգիստ սերունդ» գիրքը (The Anxious Generation): Ըստ Գեյթսի՝ այդ գիրքը ստիպել է իրեն ըմբեռնել սեփական մանկությունը։
