Մահաբեր ջերմային ալիքները մարդկության համար սպառնալիք են
Advertisement 1000 x 90

Մահաբեր ջերմային ալիքները մարդկության համար սպառնալիք են

Երկրի պոպուլյացիայի 74 տոկոսը 2100 թվականին կենթարվի մահաբեր ջերմային ալիքների ազդեցությանը, եթե մինչև այդ ածխաթու գազի արտանետման խնդիրը չլուծվի: Այս մասին նշված է Nature Climate Change-ում հրապարակված հետազոտության մեջ:

Հետազոտության համաձայն` եթե նույնիսկ այս արտանետումների քանակը  կտրուկ կրճատվի, վտանգավոր ջերմային ալիքները, միևնույն է, երկրաբնակների 48 տոկոսի համար լուրջ սպառնալիք կմնան:

«Մենք ապագայի համար գրեթե ոչ մի տարբերակ չունենք: Ջերմային ալիքների հարցում մեր ընտրությունը միայն վատի և սարսափելիի միջև է»,- խոստովանել է հետազոտության առաջատար հեղինակ, University of Hawaii-ի աշխարհագրագետ Քամիլիո Մորան:

Նրա խոսքով` ջերմային ալիքները մարդու կյանքին և առողջությանը լուրջ վտանգ են սպառնում, արդեն այսօր մարդկանցից շատերը ջերմային ալիքների զոհն են դառնում, և եթե ոչինչ չձեռնարկվի, իրավիճակը միայն կվատթարանա:

Հետազոտողների խոսքով` շեմ գոյություն ունի, որից այն կողմ ջերմությունը և խոնավությունը մարդու համար մահացու են դառնում: Նրանց տվյալներով` արդեն հիմա աշխարհի բնակչության գրեթե 30 տոկոսն ապրում է կլիմայական այնպիսի պայմաններում, որոնք առողջությանը և կյանքին լուրջ վտանգ են սպառնում: Եթե մթնոլորտ արտանետվող ջերմոցային գազերի մակարդակը չնվազի, 80 տարի հետո մարդկանց մեծամասնությունը կապրի կլիմայական այնպիսի պայմաններում, որ նրանց կյանքին կսպառնա շոգը, խոնավությունը և արտանետուներով թունավորված օդը:

med.news.am