Տպել
Տեխասի և Կալիֆոռնիայի գիտնականներն ստեղծել են առաջին գենային թերապիան, որը վերացնում է խախտումները X-քրոմոսոմում, որոնք կապված են աուտիզմի ծանր ձևերի հետ, և այն հաջողությամբ ստուգել են մկների վրա:
Նրանց հետևությունները հրապարակվել են Nature Biomedical Engineering հանդեսում: Աուտիզմի դեմ դեղորայք առայժմ գոյություն չունի: Բազմաթիվ հեռանկարային պատրաստուկներ, որոնք ներգործում են դրա զարգացման հետ կապված սպիտակուցների վրա, ձախողվել են կլինիկական փորձարկումների ընթացքում: Մեզ առաջին անգամ հաջողվել է փոխել «աուտիզմի գեներից» մեկի կառուցվածքը և հասել դրա որոշ ախտանշանների անհետացման»,- հայտարարել է Հե յոն Լին Օսթինի Տեխասի համալսարանից (ԱՄՆ):
ԱՄՆ-ի առողջապահության մարմինների տվյալներով՝ աշխարհում աուտիկ սպեկտրի խանգարումներ հանդիպում են 68 երեխաներից մեկի մոտ: Առողջապահության համաշխարհային կազմակերպության տվյալներով՝ ամեն տարի աուտիզմով երեխաների թիվը մեծանում է 13 տոկոսով: Այս գիտափորձերի հաջող ավարտումը, ինչպես նշել է Լին, իր թիմին դրդել է ձեռնամուխ լինելու գենային թերապիայի այլ տարբերակների մշակման, որոնք նպատակամղված են աուտիզմի դեմ պայքարին:
