Տպել
Հելսինկիի համալսարանի գիտնականները հայտնաբերել են միգրենի զարգացման նոր ժառանգական գործոններ: Այս հետազոտության արդյունքները 3 անգամ ավելացրել են այս վիճակի հայտնի ժառանգական գործոնների թիվը։
Ընդհանուր առմամբ հետազոտությանը մասնակցել է ավելի քան 870 000 մարդ, որոնցից 102 000-ը ունեցել է միգրեն։
Այս թեմայով նախորդ ուսումնասիրությունները ցույց են տվել, որ ժառանգական գործոնները զգալի ներդրում ունեն միգրենի առաջացման գործում։ Սակայն գիտնականները դեռեւս վիճում են նրա շուրջ, թե արդյոք այս երկու տարբեր տեսակի գլխացավերն ունեն նույն ժառանգական հիմքը՝ աուրայով միգրենը եւ առանց աուրայի։
Ընթացիկ ուսումնասիրության համար օգտագործվել է գենետիկական տվյալների զգալի հավաքածու՝ հանուն ասոցիացիաների ամբողջական ուսումնասիրության: Սա հնարավորություն է տվել գտնել գենետիկ տարբերակներ, որոնք ավելի տարածված են ընդհանուր առմամբ միգրեն ունեցողների մոտ՝ համեմատած երկու հիմնական տեսակներից մեկի հետ:
Հետազոտության արդյունքները հաստատել են, որ միգրենի պատճառները ոչ միայն նեյրոնային, այլեւ անոթային գենետիկ գործոններն են։ Ուստի միգրենը կարելի է համարել նյարդանոթային հիվանդություն։ Հետազոտողները նաեւ նշել են, որ միգրենի դեմ պայքարելու համար անհրաժեշտ են նոր թերապիաներ։
