Գիտնականները պարզել են կանանց համար քնի պակասի հետևանքները

Կանայք, ովքեր բավարար չեն քնում, կարող են բախվել շաքարախտի զարգացման ռիսկի հետ, ընդ որում այդ ազդեցությունն ավելի ցայտուն է հետդաշտանադադարում գտնվող կանանց մոտ, պարզել են գիտնականները Diabetes Care ամսագրում հրապարակված նոր ուսումնասիրության մեջ:

Քնի տևողությունն ընդամենը 90 րոպեով կրճատելը մեծացնում է ինսուլինի դիմադրողականությունը կանանց մոտ, ովքեր սովոր են բավականաչափ քնել, պնդում են Կոլումբիայի համալսարանի գիտնականները:

Այս հետազոտության համար Սենտ Օնջեն և նրա գործընկերները գրանցել են 38 առողջ կանանց, որոնցից 11-ը դաշտանադադար է ունեցել։

Բոլոր կանայք սովորաբար ամեն գիշեր քնել են առնվազն յոթ ժամ: Ըստ հետազոտողների՝ օպտիմալ առողջության համար քնի առաջարկվող քանակը յոթից ինը ժամ է:

Կանանցից յուրաքանչյուրին պատահականության սկզբունքով հանձնարարվել է մասնակցել հետազոտության երկու տարբեր փուլերի:

Կանանց խնդրել են մի փուլում պահպանել իրենց սովորական բավարար քունը, սակայն մյուս փուլում նրանց խնդրել են հետաձգել քնելու ժամը մեկուկես ժամով՝ նվազեցնելով ընդհանուր քունը մինչև մոտ վեց ժամ: Յուրաքանչյուր փուլ տեւել է վեց շաբաթ:

Վեց շաբաթվա ընթացքում քնի ժամանակը 90 րոպեով կրճատելը մեծացրել է սոված ժամանակ ինսուլինի մակարդակը, ընդհանուր առմամբ, ավելի քան 12%-ով և 15%-ով՝ նախադաշտանադադարում գտնվող կանանց շրջանում:

Ինսուլինի դիմադրողականությունը, ընդհանուր առմամբ, աճել է գրեթե 15%-ով, իսկ հետդաշտանադադարում գտնվող կանանց մոտ՝ ավելի քան 20%-ով:

Հետազոտության ընթացքում բոլոր մասնակիցների մոտ արյան շաքարի միջին մակարդակը կայուն է մնացել, սակայն հետազոտողները նշել են, որ ինսուլինի դիմադրության փոփոխությունները կարող են բերել նրան, որ այն երկարաժամկետ հեռանկարում կսկսի բարձրանալ։