Տպել
Զբոսանքները մաքուր օդին ավելացնում են ինչպես ուշադրության, այնպես էլ ուղեղի վերահսկողությունը մարմնի հանդեպ։ Այսպիսի եզրահանգման են եկել Յութայի համալսարանի հոգեբանները, որոնց հետազոտությունը հրապարակվել է Scientific Reports ամսագրում։
2022թ. ապրիլ-հոկտեմբերին անցկացված փորձի համար հեղինակները հավաքել են 92 կամավորների էլեկտրաէնցեֆալոգրերը (ԷԷԳ)։ Մասնակիցների ուղեղի ակտիվությունը գնահատվել է 40 րոպեանոց զբոսանքից առաջ եւ հետո։
Առաջին կեսը անցել է Ռեդ Բյութով՝ բուսաբանական այգի նախալեռներում, համալսարանից արեւելք, իսկ երկրորդը՝ մերձակա ասֆալտապատ բժշկական ճամբարով։ Երկու երթուղիներն ունեցել են երեք կիլոմետրից (երկու մղոն) մի փոքր ավելի երկարություն։ Փորձի գաղափարն այն էր, որպեսզի սպառվեն մասնակիցների ուշադրության պահուստները, գնալ զբոսանքի, որի ժամանակ նրանց արգելվում էր շփվել եւ օգտվել գաջեթներից։
Երթուղիները կամավորների համար ընտրվել են պատահական կարգով։ ԷԷԳ-ն պարզել է ուշադրության երեք բաղադրիչ՝ իրազեկում, կողմնորոշում եւ կատարողական վերահսկում։ Վերջին ցուցանիշին հետեւել են գլխուղեղի ճակատամերձ կեղեւի (հատված, որը կարեւոր է հիշողության աշխատանքի, որոշումներ կայացնելու եւ տարբեր խնդիրների համակարգման համար) ակտիվության աստիճանով։ Արդյունքում՝ մասնակիցները, որոնք զբոսնել են մաքուր օդում, ցուցադրել են ուշադրության վերահսկման բարելավում։
