Տպել
Եթե ձեզ նույնպես այս հարցը հաճախակի անհանգստացնում է, ժամանակն է կարդալու Cleveland Clinic-ի մասնագետների մեկնաբանությունն այս հարցի շուրջ, որոնք կարծում են, որ մեր գերհոգնածության գլխավոր պատճառը ոչ բավարար քունն է:
«Մեզանից շատերը, անգամ եթե շատ վաղ են պառկում քնելու, միեւնույն է, դժվարությամբ են կարողանում քնել»,- նշում են մասնագետները՝ առաջարկելով քնի կարգավորման մի քանի եղանակ:
1. Քնելու եւ արթնանալու հստակ ժամ սահմանեք: Ամեն օր պառկեք միեւնույն ժամին: Դա վերաբերում է նաեւ հանգստյան օրերին:
2. Սահմանափակեք ալկոհոլի օգտագործումը գիշերային ժամերին: Անգամ եթե մեկ բաժակ գինին կամ գարեջուրը կարող են օգնել ձեզ քնելու հարցում, հետագայում դրանք կարող են գիշերը քնից արթնանալու պատճառ դառնալ:
3. Աշխատեք ցերեկը 3-ից հետո չխմել կոֆեին պարունակող ըմպելիքներ:
4. Քնելուց 2-3 ժամ առաջ ցանկալի չէ որեւէ բան ուտել, իսկ ուտելու դեպքում էլ պետք է բացառել ճարպեր եւ շաքար պարունակող սնունդը:
5. Քնելուց առաջ պետք չէ զբաղվել ֆիզիկական ակտիվությամբ, մարզանք անել: Ձեր վերջին պարապմունքը պետք է լինի քնելուց ամենաքիչը 3 ժամ առաջ:
6. Եթե պառկելուց 20 րոպե անց դեռ քնած չեք, վեր կացեք անկողնուց: Ոչ մի դեպքում պետք չէ անկողինն օգտագործել գիրք կարդալու կամ ֆիլմ դիտելու համար: Ուղեղը պետք է ընկալի անկողինը որպես քնելու տարածք:
