Տպել
Բուրկինա-Ֆասոյի կառավարությունը թույլ է տվել ազատություն բաց թողնել գենետիկորեն ձևափոխված մոծակներին՝ մալարիայից ազատվելու համար:
Սա մալարիա փոխանցող մոծակների ոչնչացման երկարաժամկետ ծրագրի մի մասն է: Աֆրիկայի տարածքում այն կլինի նման առաջին նախադեպը (Բրազիլիայում այսպիսի մոծակներին բաց են թողել դեռևս 2016 թվականին):
Մալարիան տարածվում է, երբ մակաբույծները վարակում են մոծակներին, իսկ միջատներն արդեն հիվանդությունը փոխանցում են մարդկանց: Հիվանդությունների վերահսկողության և կանխարգելման կենտրոնների տվյալներով՝ 2016 թվականին մալարիայից մահացել է 445 հազար մարդ, Աֆրիկայում՝ հիմնականում երեխաներ: Եթե նվազեցվեն մոծակների որոշակի տեսակների քանակությունը կամ նրանցից ամբողջությամբ ազատվեն, մալարիայով հիվանդների թիվը կարող է նվազել:
Մոծակները, որոնց հետազոտողները նախատեսում են բաց թողնել Բանա գյուղում, գենետիկորեն ձևափոխված միանգամայն ստերիլ արուներ են: Դրանք կոչված չեն մալարիան վերացնելու համար, դրանք ավելի շուտ ստեղծվել են, որպեսզի տեղական բնակիչները հավատան գիտական հանրույթին:
Եթե ամեն ինչ լավ ընթանա, ապա Բուրկինա-Ֆասոյի, իսկ ավելի ուշ Մալիի և Ուգանդայի հետազոտողները հույս ունեն ազատ արձակել գենային դրայվի մոծակներին: Սյս առանձնյակներին արդեն այնպես կփոխեն, որ նրանք մուտացիաներ կկրեն, որոնք ուղղված են մոծակների թվի նվազեցմանը, և այս ձևափոխված մոծակները հատկապես դրանք կփոխանցեն իրենց սերունդներին:
Դեռևս ոչ ոք և երբեք գենային դրայվով կենդանիների և միջատների ազատ չի արձակել մի պարզ պատճառով՝ դա վտանգավոր է: Եթե մոծակները, որոնք բաց կթողնվեն հիմա, բերեն որևէ անսպասելի հետևանքների, ապա մարդիկ ստիպված կլինեն ընդամենը սպասել, մինչև բոլոր միջատները սատկեն: Սակայն երբ ազատ արձակեն գենային դրայվով առանձնյակների, այլևս ոչ մի բան հետ բերել չի ստացվի: Սակայն հաշվի առնելով մալարիայից մահվան դեպքերի թիվը, փորձարկան հնարավոր հաջողությունը վտանգին արժի:
