Տպել
Հավանաբար, լսել եք այնպիսի երեւույթի մասին, ինչպիսին է երրորդական ծխելը, երբ ծխախոտի ծխի մնացորդները մնում են տարածքի պատերի ու կահույքի վրա: Այդ մնացորդներից դժվար է ազատվել, եւ դրանք դեռ երկար ժամանակ ազդում են մարդու առողջության վրա:
Այժմ կորոնավիրուսի պանդեմիայի ֆոնին, երբ մարդիկ տանն են մնում, բնակարաններում ծխելու խնդիրը հատկապես ակտուալ է:
Գիտնականները փորձարկել են բնակարանների մաքրման տարբեր մոտեցումներ եւ ձեւավորել կանոններ, որոնք նվազեցնում են մարդկանց վրա երրորդական ծխելու ազդեցությունը: Նրանց հետազոտության մասին զեկույցը հրապարակվել է Nicotine and Tobacco Research-ում, հաղորդում է Medportal.ru-ն:
Նոր հետազոտության մեջ գիտնականներն օգտագործել են մաքրման 3 ռեժիմ՝
- չոր մաքրում, ներառյալ՝ փոշեհանում, մեկ ամսից՝ խոնավ մաքրում,
- նախ խոնավ մաքրում, ապա մեկ ամսից՝ չոր մաքրում եւ
- մաքրման երկու տեսակները մեկ օրում:
Նիկոտինային աղտոտման առկայության բնակարանների թեստավորումն անցկացվել է մաքրումից առաջ, դրանից անմիջապես հետո եւ 3 ամիս անց: Հետաքրքիր է, որ բոլոր 3 դեպքերում այդ աղտոտումն անմիջապես նվազեցել է մաքրումից հետո: Այդ մակարդակով այն կրկին բարձրացել է 3 ամիս անց:
Հիմնվելով այդ տվյալների վրա՝ հետազոտության հեղինակները ձեւավորել են 2 կանոն, որոնք անհրաժեշտ է հետեւել.
- Անհրաժեշտ է հնարավորինս պահպանել բնակարանում փոշու ցածր մակարդակը
- Մակերեսները պետք է մաքսիմալ մաքուր պահել: Մշտական մաքրումը կարող է ընտանիքին պաշտպանել բնակարանում նիկոտինի մնացորդներից:
