Տպել
Մենք նրանցից սովորելու բան ունենք
- Նրանք միմյանց առաջին տեղում էին դնում
Երբ մեր ծնողները երիտասարդ էին, ամուսնու և կնոջ հարաբերություններն ընտանիքում ամենակարևորն էին: Բայց վերջին 30 և ավելի տարիների ընթացքում ծնողները սկսեցին իրենց երեխաներին վերաբերվել՝ որպես Տիեզերքի կենտրոնների: Կարևոր է չմոռանալ ամուսնու հետ հարաբերությունների արժեքը և ունենալ առողջ, երջանիկ ընտանիք: Եթե երեխան ընդհատում է մորը, պետք է նրան խնդրել սպասել, եթե դա արտակարգ իրավիճակ չէ: Երեխաները պետք է հասկանան, որ աշխարհը չի պտտվում իրենց շուրջը:
- Նրանք ստիպում էին երեխաներին խաղալ փողոցում
Հնարավոր է, դուք ձեր երեխա ժամանակ հեռուստացույց նայել էլ եք, բայց ավելի հաճախ փողոցում եք եղել: Այսօրվա 8-18 երեխաներն օրական միջինը 7.5 ժամ անց են կացնում էկրանների առջև: Եվ դա չի վերաբերում ուսմանը կամ կրթությանը: Իսկ չէ՞ որ թարմ օդն ու ակտիվ խաղերը պետք են իրենց տարիքում: Եվ դրա համար չեն պահանջվում սպորտային հրապարակ կամ լողավազան: Հիշեք ձեզ: Այն, ինչ մեզ պետք էր, երևակայությունն էր:
- Նրանք վստահում էին իրենց երեխաներին
Մեզնից շատերը հիշում են, թե ինչպես էին մինչև ուշ երեկո զբոսնում ընկերներով կամ մնում գիշերելու նրանց տանը: Ծնողները կարող էին և չիմանալ, թե մենք որտեղ էինք: Դուք կարող եք դա անվանել «դաստիարակություն ազատ տարածության վրա», կամ նույնիսկ մտածել, որ դա վտանգավոր է: Ճշմարտությունն այն է, որ երեխաներն ավտովթարներից կրկնակի շատ են զոհվում, քան նրանց առևանգում են:
- Նրանք չէին ստիպում երեխաներին ամենախելացին լինել
Երեխաներին սովորեցնում էին սոցիալական հմտությունների ու զարգացնում էին նրանց ստեղծագործական ջիղը: Երեխաները մանկապարտեզ հաճախելիս կարդալ չգիտեին, իսկ շատերը նույնիսկ այբուբենը չգիտեին: Նրանց սովորեցնում էին հարգալից լինել, կիսել ունեցածն ու ընկերներ ձեռք բերել: Այսօր, սակայն, երեխաները նույնիսկ վաղ տարիքում մրցում են ուսման մեջ ու փորձում լինել բոլորից լավը: Բայց դա սոսկ սթրես ու անհանգստություն է պատճառում:
- Նրանք երեխաներին վարքականոն էին սովորեցնում
Շատ երեխաներ ու դեռահասներ մեր օրերում զուրկ են վարվելակերպի կանոններին տիրապետելուց: Նրանք չեն կարողանում տարրական «շնորհակալություն» ասել, երբ իրենց համար ինչ-որ բան են անում: Իհարկե, անկուլտուրական վարվելակերպի դրսևորումներ կարող էին նաև նախկինում լինել, բայց ամեն դեպքում այն շատ ավելի քիչ էր, քան այսօր:
- Նրանք ընթրում էին ողջ ընտանիքով
Ծնողները կարող են զոհել ընտանեկան ընթրիքը՝ հանուն երեխայի արտադասարանական պարապմունքների: Բայց իրականում այդպիսի ավանդույթները լավ կլիներ վերադարձնեին: Ծնողների հետ ընթրող երեխաներն ավելի հազվադեպ են տառապում տագնապից ու ընկճախտից: Նրանք քիչ իրավախախտումներ են ունենում, բայց լավ առաջադիմություն, ու հոգեբանական վիճակի հետ կապված խնդիրներ չեն ունենում:
- Նրանք երեխաներին ստիպում էին հավաքել տունը
Հիշո՞ւմ եք, թե ինչպես էին մեր ծնողներն ասում, որ չենք կարող զբոսանքի գնալ, քանի դեռ տունը չենք հավաքել: Դուք կարող եք զարմացած լինել, թե ինչերի են ընդունակ ձեր երեխաները: Նրանց կարելի է վստահել տան հետ կապված շատ ավելի լուրջ խնդիրներ: Դա նրանց ինքնուրույնություն ու պատասխանատվություն կսովորեցնի:
- Նրանք կարգուկանոն էին սովորեցնում ուրիշ երեխաների
Ի՞նչ կանեիք, եթե ձեր երեխայի ընկերը հիստերիա սարքեր կամ նույնիսկ հարվածեր ձեր երեխային: Հանգիստ կխնդրեիք, որ վե՞րջ տան: Բայց նախկինում ծնողներն իրենց այլ կերպ էին պահում: Նրանք սկսում էին կարգի հրավիրել ուրիշի երեխաներին այնպես, ինչպես դա կանեին իրենց երեխաների դեպքում:
- Նրանք ծննդյան օրերը տանն էին նշում
Երելույթները նախկինում իրենց մեջ ներառում էին, բացի ուտելիքներից, նաև զանազան խաղեր: Մեր ծնողները պրոֆեսիոնալ լուսանկարչի ու սրճարան չէին վարձում, ու դա այնքան էլ կարևոր չէր: Երեխաները, միևնույն է, ուրախանում էին ու հաճույք ստանում պարզ բաներից:
- Ամեն բան շատ ավելի պարզ էր ու հասարակ
Նախկինում շատ բան շատ ավելի պարզ էր, քան հիմա: Ծնողները մեզ «Դիսնեյլենդ» չէին տանում, իսկ երեխաներն էլ չէին շտապում ֆուտբոլից վազել դաշնամուրի դասի: Մենք օգտագործում էինք մեր երևակայությունն ու երջանիկ էինք:
Հրապարակման պատրաստեց Սոֆա Պետրոսյանը
