Ինչո՞վ է օգտակար լոբին

Լոբին առողջության համար օգտակար մթերք է, որը պարունակում է բազմաթիվ սննդարար տարրեր, ինչպես պնդում է դիետոլոգ Մարինա Մակիշան (Ռուսաստան):

«Մոսկվա 24» հեռուստաալիքին տված հարցազրույցում մասնագետը նշել է, որ սպիտակ լոբին պարունակում է ամենամեծ քանակությամբ սննդարար մանրաթելեր, որի շնորհիվ այն բարենպաստ ազդեցություն է թողնում աղիների վրա եւ ապահովում է միկրոֆլորայի բալանսը: Սննդարար մանրաթելերը նաեւ օգնում են դուրս բերել տոքսիններն օրգանիզմից եւ նպաստում են արյան մեջ վատ խոլեստերինի մակարդակի նվազմանը:

Միաժամանակ կարելի է ուտել ոչ ավելի, քան 150-200 գրամ լոբի, սակայն փորկապության հակում ունեցող մարդկանց խորհուրդ է տրվում զգուշավորություն ցուցաբերել, քանի որ լոբին կարող է խորացնել նրանց խնդիրները:

Ինչպես նշել է մասնագետը, կարմիր կոբին պարունակում է ավելի շատ սպիտակուց, քան սպիտակը, եւ այն օգնում է ամրապնդել իմունիտետը: Դրանում նաեւ պարունակվում է շատ կալիում եւ մագնեզիում, որոնց շնորհիվ այն օգտակար է սրտանոթային համակարգի եւ այնպիսի հիվանդությունների պրոֆիլակտիկայի համար, ինչպես սրտի ռիթմը, ինֆարկտն ու ինսուլտը:

Սեւ լոբին պարունակում է B խմբի շատ վիտամիններ, որոնք անհրաժեշտ են նյարդային համակարգն եւ նյարդային ազդակները կարգավորելու համար:

Լոբու եւս մեկ տեսակը՝ մաշը (մրտուկ) պարունակում է մեծ քանակությամբ պղինձ, որն անհրաժեշտ է մազերի վաղ սպիտակեցման պրոֆիլակտիկայի եւ արյունաստեղծման նորմալ գործընթացի համար, ինչպես նաեւ ցինկ, որը կարեւոր է իմունային համակարգի եւ սեռական հորմոնների արտադրման համար:

Կանաչ լոբին, դիետոլոգի խոսքով, նույնպես շատ օգտակար է եւ օգնում է ավելորդ քաշի դեմ պայքարում:

news.am