Տպել
Ջոն Հոփքինսի համալսարանից հետազոտողները կոչ են անում ցնորածին սնկերը նշանակել որպես դեպրեսիայի դեմ միջոց:
Ինչպես հայտնում է Mother Board-ը, արդեն մի քանի տասնամյակ է, ինչ ցնորածին սնկերի բաղադրության մեջ մտնող պսիլոցիբինը I ցուցակի մեջ մտնող թմրամիջոց է համարվում: Սա նշանակում է, որ այն ուժեղ կախվածություն է առաջացնում և բժշկական նպատակներով կիրառվել չի կարող:
Մինչդեռ մասնագետներն այս պնդումներին կտրականապես դեմ են և ԱՄՆ իշխանություններին կոչ են անում պսիլոցիբինը տեղափոխել IV ցուցակ, այսինքն՝ այն նյութերի ցուցակ, որոնք թույլ կախվածություն են առաջացնում: Սա թույլ կտա ցնորածին սնկերը նշանակել որոշակի բժշկական ցուցումների դեպքում:
Մի քանի տարի տևած կլինիկական փորձարկումների ժամանակ մասնագետները պսիլոցիբինը կիրառել են դեպրոսիայի և թմրամոլության բուժման համար: Դրանից բացի, Ջոն Հոփքինսի համալսարանի գիտնականների հետազոտության շրջանակում տերմինալ քաղցկեղով հիվանդների մոտ պլիսոցիբինով չեզոքացրել են տագնապայնությունն ու դեպրեսիան:
Ընդգծվում է, որ պսիլոցիբինի կիրառումը կատարվել է խստորեն վերահսկվող պայմաններում և բժիշկների հսկողության ներքո:
Գիտնականները պնդում են, որ պսիլոցիբինի չարաշահման պոտենցիալը ցածր է: Այնինչ այն իսկապես կարող է հնարավոր վտանգներ պարունակել այն անձանց համար, որոնք հոգեկան խանգարումների նախահակվածություն ունեն՝ նրանց մոտ հարուցելով հոգեկան հիվանդությունների սրում:
Սակայն գիտնականները շարունակում են պնդել, որ ցնորածին սնկերի կիրառման հետևանքներն այդքան ծանր չեն, իսկ պոտենցիալը հսկայական է: Միաժամանակ, եթե նրանց կարծիքն իշխանությունները, այնուամենայնիվ, հաշվի առնեն, վերադասակարգման համար (այսինքն՝ պսիլոցիբինը I ցուցակից IV ցուցակ տեղափոխելը) մինչև 10 տարի ժամանակ կպահանջվի:
