Տպել
Սան Ֆրանցիսյկոյում Կալիֆոռնիայի համալսարանի մասնագետները պարզել են, որ ցերեկային քնկոտությունը կարող է Ալցհեյմերի հիվանդության վաղաժամ զարգացման նախանշան լինել:
Բանն այն է, որ առույգության համար պատասխանատու գլխուղեղի բջիջները դառնում են տվյալ նյարդաբանական խանգարման առաջին թիրախներից մեկը:
Հետազոտության շրջանակում գիտնականները պարզել են, որ Ալցհեյմերի հիվանդությամբ մարդիկ մշտական քնկոտություն են զգում, ընդ որոոմ մինչեւ հիշողության հետ կապված խնդիրների զարգացումը:
Հետազոտելով Ալցհեյմեր հիվանդությամբ 13 մահացած հիվանդների ուղեղը մասնագետները հայտանբերել են, որ առույգության համար պատասխանատու ուղեղի երեք հատվածները, երկնագույն բիծը (locus coeruleus), հիպոթալամուսի լաթերալ հատվածը եւ տուբերոմամիլյար միջուկը մինչեւ 75 տոկոսոով զրկվել են իրենց նեյրոններից:
Հենց դա է դառնում այդ խանգարումով տառապող մարդկանց մշտական քնկոտության պատճառ:
Գիտնականները հույս ունեն, որ հետազոտության արդյունքները կօգնեն բարելավել Ալցհեյմերի հիվանդությամբ պացիենտների բուժումը:
Գիտական աշխատանքի արդյունքները հրապարակվել են Alzheimer’s & Dementia ամսագրում:
